MN: Rusiya Müdafiə Nazirliyinin “Dağlıq Qarabağ” ifadəsini işlətməsi qəbuledilməzdir

Rusiya Müdafiə Nazirliyi tərəfindən Ukraynaya göndərilən humanitar yardım kontekstində verilmiş açıqlamada “Dağlıq Qarabağ” ifadəsinin işlədilməsi qəbuledilməzdir. Bu barədə Müdafiə Nazirliyinin bəyanatında qeyd olunur. Bildirilir ki, Azərbaycan ərazisində “Dağlıq Qarabağ” adlı inzibati-ərazi vahidi yoxdur. Rusiya Federasiyası tərəfindən dəfələrlə ali və yüksək səviyyələrdə verilmiş açıqlamalarda Azərbaycanın ərazi bütövlüyü, suverenliyi və sərhədlərinin toxunulmazlığına dəstək təsdiq edilib. Eyni zamanda iki ölkə arasında imzalanmış müvafiq sənədlərdə də bu mövqe bir daha təsbit olunub. Müdafiə Nazirliyi bu kimi açıqlamaların Azərbaycan-Rusiya əlaqələrinə xələl gətirə biləcəyini qeyd edərək, belə halların dayandırılmasına çağırır.



https://www.facebook.com/ictimai.tv/
https://www.instagram.com/ictimaitv.official/
https://itv.az/

#ictimaitv #video #televiziya #baku #videolar #itv

• Kateqoriya

  Xəbərlər və Siyasət